Asiyada
futbol üzrə Çempionlar Liqasına yekun vurulub. Sportnet.az-ın məlumatına görə,
Avstraliyanın "Vestern Sidney Uonderes” klubu turnirin qalibi adını qazanıb.
Finalda
onlar Səudiyyə Ərəbistanının "Əl-Hilyal” klubuna qalib gəlib. İlk oyunda doğma
meydanda 1:0 qalib gələn avstraliyalılar, cavab qarşılaşmasında qolsuz heç-heçə
edərək turnirin qalibi adını qazanan ilk Avstraliya klubu olub.
Beləliklə
Sidneyi təmsil edən komanda Klublararası Dünya Kubokuna vəsiqəni də təmin etmiş
oldu. ¼ finalda onların rəqibi Meksika təmsilçisi "Krus Asul” olacaq. Qalib
yarımfinalda "Real”la qarşılaşacaq.
Qeyd edək ki, Klublararası Dünya Kuboku 2014-cü il 10-20 dekabr aralığıda Mərakeşdə təşkil olunacaq.
