Avro-2016-nın seçmə mərhələsi çərçivəsində noyabrın 16-da keçiriləcək Azərbaycan - Norveç oyununun biletləri satışa çıxarılıb. Sportnet.az-ın AFFA-nın rəsmi saytına istinadən məlumatına görə, biletləri "Bakcell Arena"nın və Tofiq Bəhramov adına Respublika stadionunun kassalarında, həmçinin Üzeyir Hacıbəyli küç.48 (metronun Sahil stansiyasının yaxınlığı) ünvanında yerləşən Bakcell Müştəri Xidmətləri mərkəzində əldə etmək mümkündür.
Qiymət isə 2, 4 və 20 AZN-dir.
Qeyd edək ki, "Bakcell Arena"da keçiriləcək Azərbaycan - Norveç matçı saat 21:00-da başlanacaq.
