Portuqaliya milli komandasında çıxış edən İspaniya "Real Madrid"inin futbolçusu Kriştianu Ronaldu yeni rekorda imza atıb. Sportnet.az-ın məlumatına görə, 29 yaşlı hücumçu Avropa çempionatlarının seçmə və final mərhələlərində vurduğu qol sayında hamını qabaqlayıb.
Ronaldu Ermənistanla AVRO-2016-nın seçmə qrup matçında yeganə qolun müəllifi olub. Hazırda 23 qola malik təcrübəli oyunçu qitə çempionatlarının bombardirləri siyahısında türkiyəli Hakan Şükür və danimarkalı Yon-Dal Tomassonu 1 top qabaqlayır. Hazırda onu irlandiyalı Robbi Kin və almaniyalı Miroslav Kloze keçə bilər. İndiyədək Kin 21, Kloze 19 dəfə fərqlənib.
Qeyd edək ki, Kriştianu Ronaldu Ermənistanla qarşılaşmada peşəkar karyerası ərzində 450-ci qolunu vurub. O, klub və yığmada üst-üstə 703 oyuna bu qədər qola imza atıb.
