Azərbaycan Premyer Liqasında XVI tura yekun vurulub. Sportnet.az-ın məlumatına görə, turun son oyunu "Qarabağ" - "Neftçi" derbisi ilə əlamətdar olub.
Tofiq Bəhramov adına respublika stadionunda keçirilmiş görüş komandalar arasında 100-cü duel kimi tarixə düşüb. Yubiley matçında qapılara qol vurulmayıb.
Bu heç-heçədən sonra xallarını 35-ə çatdıran Qurban Qurbanovun komandası turnir cədvəlinin zirvəsindəki mövqeyini qoruyub. 27 xalı olan "Neftçi" isə "Keşlə"ni geridə qoyaraq yenidən ikinci sıraya yüksəlib.
Günün ilk oyununda "Zirə" klubu səfərdə "Sumqayıt"a 1:2 hesabı ilə uduzub.
Qeyd edək ki, ilk oyun günündə "Sabah" evdə "Qəbələ"yə 3:2, "Səbail" isə səfərdə "Keşlə"yə 1:0 hesabı ilə qalib gəlib.
----------------
Azərbaycan Premyer Liqasında XVI turun daha bir oyunu keçirilib.
Sportnet.az-ın məlumatına görə, "Kapital Bank Arena"da "Sumqayıt" və "Sabah" komandaları üz-üzə gəlib. Görüş meydan sahiblərinin 2:1 hesablı qələbəsi ilə yekunlaşıb. Hesabı 13-cü dəqiqədə "Sumqayıt"ın gənc yarımmüdafiəçisi Elvin Cəfərquliyev açıb. 35-ci dəqiqədə Ağabala Ramazanov bərabərlik qolunu vurub. Bundan 2 dəqiqə sonra qonaq komandadan İlkin Muradov kobud oyuna görə ikinci sarı vərəqəni alaraq, meydandan qovulub.
Yerli komanda say üstünlüyündən ikinci hissədə yararlanıb. 66-cı dəqiqədə Xəyal Nəcəfov yenidən "Sumqayıt"ın önə çıxarıb. Bu qoldan 2 dəqiqə sonra Ağabala Ramazanov bilərəkdən kobud oynadığı üçün birbaşa qırmızı vərəqə alıb. Beləliklə, "Zirə" oyunu 9 oyunçu və məğlubiyyətlə başa vurub.
Bu qələbə sayəsində xalını 22-yə çatdıran "Sumqayıt" 20 xala malik "Zirə"ni keçərək, 4-cü pilləyə yüksəlib.
Qeyd edək ki, tura saat 20:00-da başlanacaq "Qarabağ" - "Neftçi" matçı ilə yekun vurulacaq. İlk oyun günündə "Sabah" evə "Qəbələ"ni 3:2, "Səbail" səfərdə "Keşlə"ni 1:0 hesabı ilə yenib.
-----------------------------
Bu gün futbol üzrə Azərbaycan Premyer Liqasında XVI turun son iki oyunu keçiriləcək. Sportnet.az-ın məlumatına görə, qarşılaşmalar Sumqayıtda və Bakıda gerçəkləşəcək.
Əvvəlcə "Kapital Bank Arena"da "Sumqayıt" və "Zirə" komandaları üz-üzə gələcək. Bu, iki klubun çempionatda 19-cu qarşılaşması olacaq. Əvvəlki 18 görüşdən 4-də "Sumqayı", 10-da "Zirə" qələbə qazanıb. Daha 4 matçda heç-heçə qeydə alınıb. Topların nisbətində də "Zirə öndədir - 25:15. Son 5 matçda “Sumqayıt” qələbə qazanmırsa, paytaxt təmsilçisi daim qol vurur.
Ötən tur "Zirə" evdə "Sabah"ı 2:0 hesabı ilə yendiyi halda, "Sumqayıt" səfərdə "Neftçi" ilə heç-heçə edib. Nəticədə "qartallar" xallarını 20-yə çatdıraraq, 4-cü pilləyə yüksəliblər. "Gənclik şəhəri" təmsilçisi isə 19 xalla 5-ci yerə enib.
Turun son oyununda isə "Qarabağ"la "Neftçi" qarşılaşacaq. Bu, iki komandanın 100-cü dueli kimi tarixə düşəcək. İndiyədək prinsipial rəqiblər 78 dəfə çempionatda, 21 dəfə isə kubokda üz-üzə gəliblər. Premyer Liqa qarşılaşmalarının 29-da "Qarabağ", 20-də "Neftçi" qələbə qazanıbsa, daha 29 matçda qalib müəyyənləşməyib. Topların nisbətində də Ağdam təmsilçisi öndədir - 84:71. “Qarabağ” dörd oyundur uduzmursa, “Neftçi” son iki görüşdə qol vurmayıb.
Hazırda Qurban Qurbanovun baş məşqçi olduğu kollektiv 34 xalla liderdir. 26 xala malik "Neftçi" ən azı heç-heçə etsə, ikinci pilləyə yüksələcək.
Görüşü "Qarabağ"dan Rahil Məmmədov zədə, "Neftçi"dən Voislav Stankoviç cəza səbəbindən buraxacaq.
Azərbaycan Premyer Liqası, XVI tur
8 fevral
17:30. “Sumqayıt” – “Zirə” - 2:1
Qollar: Elvin Cəfərquliyev, 13. Xəyal Nəcəfov, 66 - Ağabala Ramazanov, 35
Qırmızı vərəqə: İlkin Muradov, 37 ("Zirə"). Ağabala Ramazanov, 68 ("Zirə")
Hakimlər: Orxan Məmmədov, Pərvin Talıbov, Nahid Əliyev, Namiq Bəkirov
Hakim-inspektor: Əmrah İbrahimov
AFFA nümayəndəsi: Məmmədəli Məmmədov
“Kapital Bank Arena”
20:00. “Qarabağ” – “Neftçi” - 0:0
Hakimlər: Rauf Cabarov, Namiq Hüseynov, Elşad Abdullayev, Səbuhi Bayramov
Hakim-inspektor: İmanxan Sultani
AFFA nümayəndəsi: Maşallah Əhmədov
Tofiq Bəhramov adına Respublika stadionu.
