Türkiyənin "Fənərbaxça" klubunun futbolçusu Caner Erkin dünən axşam saatlarında restoranda huşunu itirdiyi üçün xəstəxanaya aparılıb. Sportnet.az-ın məlumatına görə, onu xanımının qardaşı "Liv Hospital"a çatdırıb.
Hazırda milli futbolçunun vəziyyəti yaxşıdır. Klubun həkimi Burak Kunduracıoğlu "Fənərbaxça"nın telekanalına açıqlamasında bildirib ki, huşunun itirən futbolçu başından zərbə aldığı üçün xəstəxanaya aparılıb. Lakin tibbi yoxlanışdan sonra ciddi problem olmadığı məlum olub.
Qeyd edək ki, "Ali Baba" restoranında Caner Erkinin yanında icarə əsasında "Roma"da çıxış edən "Fənərbaxça"nın futbolçusu Salih Uçan da varmış.
