"Qəbələ" klubunun vitse-prezidenti Fariz Nəcəfov qapıçı Kamran Ağayevlə bağlı açıqlama verib. Sportnet.az-ın məlumatına görə, vitse-prezident "İnter"lə 1:1 hesabı ilə başa çatan matçda qapıçının azarkeşlərlə yaşadığı mübahisəyə bu cür münasibət bəsləyib:
"Kamranla dəfələrlə söhbətimiz olub. Qapıçıların 80%-də bu məsələ var. Ancaq oyun gedə-gedə azarkeşlərlə danışmaq öeşəkarlığa yaraşmaz. Ancaq mən bilmirəm ki, o hansı sözü deyib ki, azarkeşlərlə belə münasibət olub. Mən onunla bu barədə söhbət edəcəm. Belə bir klubda bu cür hərəkətlər peşəkarlığa yaraşmaz".
