“Neftçi” UEFA Çempionlar Liqasının II təsnifat mərhələsində qarşılaşacağı Yunanıstan “Olimpiakos”u ilə cavab matçının hazırlığına başlayıb.
Sportnet.az klubun rəsmi saytına istinadən xəbər verir ki, ilk oyundan sonra Bakıya qayıdaraq istirahət edən komanda üzvləri bu gün “Türk Hava Yolları Futbol Mərkəzi”ndə məşqə çıxıblar. Əsasən fiziki və toplu çalışmalardan ibarət olan hazırlıq prosesi “Neftçi TV” vasitəsilə canlı yayımlanıb.
Qeyd edək ki, iyulun 28-də “Bakcell Arena”da keçiriləcək “Olimpiakos”la cavab görüşü saat 21:00-da başlayacaq.
