Afrika Millətlər Kubokunun ən yaxşı futbolçusu müəyyənləşib. Sportnet.az-ın məlumatına görə, bu, Qana yığmasının hücumçusu Kristan Atsudur.
23 yaşlı forvardın komandası finalda Kot divuara penaltilər seriyasında 8:9 hesabı ilə uduzub. O, komandasının bütün 6 qarşılaşmasında çıxış edib, 2 qol vurub və gümüş medala sahib olub. Atsu həm də ən yaxşı qol üçün nəzərdə tutulan mükafatı alıb. Onun Qvineyanı 3:0 hesabı ilə yendikləri 1/4 final matçındakı dəqiq zərbəsi fərqləndirilib.
Qeyd edək ki, transfer hüququ İngiltərənin "Çelsi klubuna məxsus olsa da, Kristan Atsu "Everton"un formasını geyinir.
