19 yaşadək futbolçulardan ibarət komandalar arasında Avropa çempionatının elit-raunduna hazırlıq məqsədilə müvafiq yaş qrupuna aid Azərbaycan yığması fevralın 16-dan təlim-məşq toplanışına start verəcək. Sportnet.az-ın məlumatına görə, eyni gündə finlaniyalı həmyaşıdları ilə yoxlama görüşü keçirəcək millimiz ayın 28-də yenidən eyni komandaya qarşı mübarizə aparacaq.
Finlandiyada bir həftə davam edəcək toplanışdan sonra fevralın 23-də yığma komanda İrlandiyanın Dublin şəhərinə yollanacaq. Burada da bir həftə məşq edəcək Nikolay Adamsın rəhbərlik etdiyi komanda fevralın 25-də və 27-də irlandiyalı həmyaşıdları ilə yoldaşlıq oyununda qarşılaşacaqlar.
Artıq toplanışa dəvət olunmuş futbolçuların siyahısı açıqlanıb: Qasimov Ağaseyid ("Qarabağ"), Muradbəyli Fəhmin, Əlizadə Sənan, Həşimli Mirkamil (hamısı "Neftçi"), Məmmədov Təyyar, Mədətov Mahir, Ağaverdiev Renat (hamısı "Bakı"), Mustafazadə Bəhlul, Zamanov Emin, Nəbiyev Yusif, Əsədov Ayxan, Əliyev Qismət (hamısı "Qəbələ"), Süleymanov Elnur, Nahavəndi Mansur, İbazadə Ülvi, Məmmədov Məhəmməd, Sadiqov İlkin (hamısı "İnter"), Nəsirov Budaq, Kərimzadə Fərid (hər ikisi "Sumqayıt"), Hüseynzadə Turan ("Xəzər Lənkəran") Ağarəhimov Vadim ("Zenit", Rusiya), Uluxanov Elgün (MOİK, Rusiya).
Qeyd edək ki, Qismət Əliyev ("Qəbələ") yalnız Finlandiya toplanışında iştirak edəcək. Mirkamil Həşimli ("Neftçi") və Turan Hüseynzadə ("Xəzər Lənkəran") komandaya İrlandiya toplanışında qoşulacaq.
http://www.affa.az/uploads/images/dir16261/dir813/dir40/dir2/12_3.php
