İngiltərə Premyer Liqasında VI turun mərkəzi görüşü "Çelsi" və "Mançester Siti" komandaları arasında keçirilib.
Sportnet.az-ın məlumatına görə, Londondakı "Stemford Bric" stadionunda təşkil olunmuş qarşılaşmanın taleyini bir qol həll edib. 53-cü dəqiqədə qonaq komandanın futbolçusu Qabriel Jezus fərqlənib.
"Mançester Siti"dən fərqli olaraq, "Mançester Yunayted" öz meydanında "Aston Villa"ya eyni hesabla məğlub olub. "Old Trafford" stadionundakı görüşdə yeganə qolu 88-ci dəqiqədə Kortni Hos vurub.
"Qırmızı şeytanlar" uzatma dəqiqələrində penalti qazansalar da, Brunu Fernandeş bu imkandan yararlana bilməyib.
