Futbol üzrə 2022-ci il dünya çempionatının seçmə mərhələsində IX turun daha 6 oyunu keçirilib.
Sportnet.az-ın məlumatına görə, Azərbaycan millisinin də yer aldığı A qruunda Portuqaliya yığması İrlandiyanın qonağı olub. Rəqibini məğlub edə bilməyən Pireney təmsilçisi vacib xallar itirib.
B qrupunda İspaniya yığması səfərdə Yunanıstanı minimal hesabla üstələyib. H qrupunda Xorvatiya Maltanı darmadağın edib - 7:1. J qrupunda isə Almaniya seçməsi evdə Lixtenşteynin qapısından 9 cavabsız top keçirib.
------------------------------------------
Futbol üzrə 2022-ci il dünya çempionatının seçmə mərhələsində IX tura start verilib.
Sportnet.az-ın məlumatına görə, turun ilk oyun gününün 4 qarşılaşması artıq yekunlaşıb. Bu matçların hamısı postsovet məkanında gerçəkləşib.
H qrupunda Rusiya yığması evdə Kipri 6:0 hesabı ilə darmadağın edərək, final vəsiqəsinə birbaşa vəsiqəni böyük ölçüdə təmin edib.
B qrupunda Gürcüstan millisi İsveç üzərində gözlənilmədən qələbə qazanıb. Hər iki qolu Azərbaycan millisinin sabiq futbolçusu Badri Kvaratsxeliyanın oğlu Xviça Kvaratsxeliya vurub. Bu görüşdə həm də "Zirə"nin hücumçusu Davit Volkov qonşu ölkə yığmasının heyətində debüt edib. O, 70-ci dəqiqədə meydana daxil olub.
J qrupunda isə Ermənistan evdə Şimali Makedoniyaya 0:5 hesabı ilə uduzaraq, pley-off ümidlərini böyük ölçüdə itirib.
------------------------
Bu gün futbol üzrə 2022-ci il dünya çempionatının Avropa zonası üzrə seçmə mərhələsində IX tura start veriləcək.
Sportnet.az-ın məlumatına görə, ilk oyun günündə 4 qrupda 10 qarşılaşma keçiriləcək.
Azərbaycan yığması A qrupundakı sonuncu matçında Lüksemburqu qəbul edəcək. Qrupun digər görüşündə isə Portuqaliya İrlandiyanın qonağı olacaq. Priney təmsilçisi qələbə sayəsində qrup lideri olacaq və final mərhələsinə daha da yaxınlaşacaq. Bu qrupda yer alan Serbiya yığması isə Qətərlə yoldaşlıq görüşündə qarşılaşacaq.
B qrupunun lideri İsveç Gürcüstanla, İspaniya isə Yunanıstanla üz-üzə gələcək. Skandinaviyalılar qələbə sayəsində final mərhələsinə vəsiqəni vaxtından əvvəl təmin edə bilər. Bunun üçün 3 qat Avropa çempionları Yunanıstan səfərində xal itirməlidir.
H qrupundakı Rusiya da DÇ-2022-də iştirakı rəsmiləşdirə bilər. Valeri Karpinin baş məşqçi olduğu komanda bundan ötrü evdə Kipri məğlub etməli və Xorvatiyanın Malta səfərində büdrəməsini gözləməlidir.
Bu gün meydana çıxacaq komandalardan hələlik J qrupunda Almaniya millisi mundiala vəsiqə qazanıb.
DÇ-2022, seçmə mərhələ
IX tur
11 noyabr
A qrupu
21:00. Azərbaycan - Lüksemburq - 1:3
Qollar: Azər Salahlı, 82 - Gerson Rodriges, 67; 90+1. Sebastyan Till, 78
Qırmızı vərəqə: Tellur Mütəllimov, 21 (Azərbaycan)
23:45. İrlandiya - Portuqaliya - - 0:0
Xal durumu: Portuqaliya - 17 (7 oyuna), Serbiya - 17 (7), Lüksemburq - 9 (7), İrlandiya - 6 (7), Azərbaycan - 1 (8)
B qrupu
21:00. Gürcüstan - İsveç - 2:0
Qollar: Xviça Kvaratsxeliya, 61; 77
23:45. Yunanıstan - İspaniya - 0:1
Qol: Pablo Sarabia, 26 (pen.)
Xal durumu: İspaniya - 16 (7 oyuna), İsveç - 15 (7), Yunanıstan - 9 (7), Gürcüstan - 7 (8), Kosovo - 4 (7)
H qrupu
21:00. Rusiya - Kipr - 6:0
Qollar: Aleksandr Yeroxin, 4; 87. Fyodor Smolov, 55. Andrey Mostovoy, 56. Aleksey Sutormin, 62. Anton Zabolotnı, 82
23:45. Malta - Xorvatiya - 1:7
Qollar: Marselo Brozoviç, 31 (öz qapısına) - İvan Perişiç, 6. Duye Çaleta-Tsar, 22. Mario Paşaliç, 39. Luka Modriç, 45+1. Lovro Mayer, 47; 64. Andrey Kramariç, 53
23:45. Slovakiya - Sloveniya - 2:2
Qollar: Ondrey Duda, 58 (pen.), David Strelets, 74 - Miha Zayts, 18. Miha Mevlya, 62
Qırmızı vərəqə: Mixa Blajiç, 57 (Sloveniya)
Xal durumu: Rusiya - 22, Xorvatiya - 20, Slovakiya - 11, Sloveniya - 11, Malta - 5, Kipr - 5.
J qrupu
21:00. Ermənistan - Şimali Makedoniya - 0:5
Qollar: Aleksandar Traykovski, 22. Enis Bardi, 36; 67 (pen.); 90 (pen.). Milan Ristovski, 79
23:45. Rumıniya - İslandiya - 0:0
23:45. Almaniya - Lixtenşteyn - 9:0
Qollar: İlkay Gündoğan, 11 (pen.). Daniel Kaufmann, 20 (öz qapısına). Leroy Sane, 22; 49. Marko Röys, 23, Tomas Müller, 76; 86, Bote Baku, 82, Maksimilian Göppel, 89 (avtoqol)
Qırmızı vərəqə: Yens Hofer, 9 (Lixtenşteyn)
Xal durumu: Almaniya - 24, Şimali Makedoniya - 15, Rumıniya - 14, Ermənistan - 12 (9), İslandiya - 9, Lixtenşteyn - 1.
Yoldaşlıq oyunu
21:00. Serbiya - Qətər - 4:0
