Azərbaycanın görkəmli şahmatçısı, Avropa çempionu Vüqar Həşimovun xatirəsinə həsr olunan 7-ci beynəlxalq superturnirdə bu gün növbəti oyunlar baş tutacaq.
Sportnet.az-ın məlumatına görə, IV turda Azərbaycan təmsilçiləri - Şəhriyar Məmmədyarov və Rauf Məmmədov üz-üzə gələcək. Vüqar Əsədli isə macarıstanlı Riçard Rapport ilə qarşılaşacaq.
V turda Məmmədyarov hindistanlı Vişvanatan Anandla, Əsədli çexiyalı David Navara ilə, Məmmədov isə Riçard Rapportla oynayacaq.
IV tur
Şəhriyar Məmmədyarov - Rauf Məmmədov
Riçard Rapport (Macarıstan) - Vüqar Əsədli
David Navara (Çexiya) - Fabiano Karuana (ABŞ)
Sergey Karyakin (Rusiya) - Vişvanatan Anand (Hindistan)
V tur
Vişvanatan Anand (Hindistan) - Şəhriyar Məmmədyarov
Vüqar Əsədli - David Navara (Çexiya)
Rauf Məmmədov - Riçard Rapport (Macarıstan)
Fabiano Karuana (ABŞ) - Sergey Karyakin (Rusiya)
Qeyd edək ki, Vüqar Həşimov Memorialına dekabrın 23-də yekun vurulacaq. 3 turdan sorna Fabiano Karuana 8 xalla liderdir. Riçard Rapport 7 xalla ikinci pillədə qərarlaşıb. Məmmədov və Məmmədyarov 5 xalla 3-4-cü yerləri bölüşdürürlər. Sergey Karyakin 5 xalla 5-ci, David Navara isə 4 xalla 6-cıdır. Vişvanatan Anand və Vüqar Əsədlinin hərəyə bir xalı var.
Əsas partiyalarda qazanılan qələbəyə görə şahmatçıların aktivinə 3 xal yazılır. Armageddonda əldə edilən üstünlüyə görə 2, məğlub olana isə 1 xal verilir.
