"Artıq "Qarabağ" haqqında düşünə bilərik".
Sportnet.az-ın məlumatına görə, bunu Fransa "Marsel"inin futbolçusu Pap Quye evdə "Qarabağ"a qarşı keçirəcəkləri UEFA Konfrans Liqasının pley-off mərhələsinin ilk oyunu barədə "laprovence.com" saytına açıqlamasında deyib.
Seneqallı yarımmüdafiəçi bildirib ki, çempionat matçında "Mets" üzərində 2:1 hesablı qələbədən sonra komanda rahat nəfəs almağa başlayıb: "Amma arxayınlaşmaq olmaz. Vacib oyunlarımız hələ qarşıdadır. İnanıram ki, uğurlu matçlarımızın davamı gələcək".
Qeyd edək ki, fevralın 17-də "Velodrom" stadionunda oynanılacaq "Marsel" - "Qarabağ" görüşü Bakı vaxtı ilə saat 00:00-da başlayacaq.
