UEFA Konfrans Liqasında pley-off mərhələsinin ilk oyunlarına yekun vurulub.
Sportnet.az-ın məlumatına görə, son 4 qarşılaşmadan yarısı meydan sahiblərinin, yarısı qonaqların xeyrinə başa çatıb.
Gecənin gözlənilməz nəticəsi Şotlandiyada qeydə alınıb. "Seltik" öz meydanında Norveç "Budyo Qlimt"inə 1:3 hesabı ilə uduzub. Eyni hesabla "Marsel" Fransada "Qarabağ"ı yenib.
Türkiyədə "Fənərbağça"nı 3:2 hesabı ilə yenən "Slaviya"dan fərqli olaraq, Çexiyanın digər təmsilçisi "Sparta" öz meydanında Serbiya "Partizan"ına minimal hesabla məğlub olub. Gecənin böyük hesabla bitən yeganə qarşılaşmasında "Lester" İngiltərədə Danimarka "Randers"inə qalib gəlib - 4:1.
----------------------
UEFA Konfrans Liqasında pley-off mərhələsinin ilk oyunlarına start verilib.
Sportnet.az-ın məlumatına görə, nəzərdə tutulan 8 qarşılaşmadan 4-ü artıq başa çatıb.
Gecənin maraqla gözlənilən oyunlarından biri Türkiyədə keçirilib. Ölkənin turnirdəki yeganə təmsilçisi "Fənərbağça" Çexiyanın "Slaviya" (Praqa) komandasını qəbul edib. Qarşılaşma meydan sahiblərinin 2:3 hesablı məğlubiyyəti ilə başa çatıb.
Oyunda hesabı qonaqlar açıblar. İlk hissənin sonuncu dəqiqəsində İbrahima Traore fərqlənib. 58-ci dəqiqədə "Fənərbağça"nın heyətində Dimitris Pelkas tarazlığı bərpa edib. Lakin 62-ci dəqiqədə Praqa təmsilçisi yenidən önə keçib. Bu dəfə Oskar Dorli adını tabloya yazdırıb. Cəmi 2 dəqiqə sonra Ondrjey Linqr 3-cü topu "sarı-lacivərdlilər"in qapısından keçirib. Oyunda son nöqtəni isə 83-cü dəqiqədə Fərdi Kadıoğlu qoyub. Maraqlıdır ki, bu qolun ötürməsini 75-ci dəqiqədə meydana daxil olan 16 yaşlı yarımmüdafiəçi Arda Güler edib.
Digər 3 görüşdə PSV Niderlandda İsrailin "Makkabi" (Təl-Əviv), "Midtüllan" Danimarkada Yunanıstanın PAOK, Vyana "Rapid"i Niderlandın "Vitess" klubunu məğlub edib.
-----------------------------------
Bu gün UEFA Konfrans Liqasında pley-off mərhələsinin ilk oyunlarına start veriləcək.
Sportnet.az-ın məlumatına görə, 8 qarşılaşmanın hamısı eyni gündə keçiriləcək.
Azərbaycan futbolu tarixində ilk dəfə qrup mərhələsini adlayan "Qarabağ" bu raundda Fransa "Marsel"inin qonağı olacaq. "Velodrom" stadionunda oynanılacaq görüş Bakı vaxtı ilə saat 00:00-da başlayacaq.
Gecənin maraqla gözlənilən oyunlarından biri Türkiyədə baş tutacaq. Ölkənin turnirdəki yeganə təmsilçisi "Fənərbağça" Çexiyanın "Slaviya" (Praqa) komandasını qəbul edəcək. Qarşılaşma Bakı vaxtı ilə saat 21:45-də start götürəcək.
UEFA Konfrans Liqası, pley-off mərhələsi
İlk oyunlar
17 fevral
21:45. PSV (Niderland) - "Makkabi" (Təl-Əviv, İsrail) - 1:0
21:45. "Fənərbağça" (Türkiyə) - "Slaviya" (Praqa, Çexiya) - 2:3
21:45. "Midtüllan" (Danimarka) - PAOK (Yunanıstan) - 1:0
21:45. "Rapid" (Vyana, Avstriya) - "Vitess" (Niderland) - 2:1
00:00. "Marsel" (Fransa) - "Qarabağ" (Azərbaycan) - 3:1
00:00. "Lester" (İngiltərə) - "Randers" (Danimarka) - 4:1
00:00. "Seltik" (Şotlandiya) - "Budyo Qlimt" (Norveç) - 1:3
00:00. "Sparta" (Praqa, Çexiya) - "Partizan" (Serbiya) - 0:1
Qeyd edək ki, komandalar arasında cavab matçları fevralın 24-də olacaq.
