UEFA Konfrans Liqasında 1/8 final mərhələsinə yekun vurulub.
Sportnet.az-ın məlumatına görə, bununla da 1/4 finalın bütün iştirakçıları bəlli olub.
Son olaraq, İtaliyanın "Roma", Yunanıstanın PAOK, Niderlandın "Feyenoord" və Çexiyanın "Slaviya" (Praqa) komandaları növbəti mərhələyə vəsiqə qazanıblar.
---------------------------
Futbol üzrə UEFA Konfrans Liqasında 1/8 final mərhələsinin daha bir cavab oyunu keçirilib.
Sportnet.az-ın məlumatına görə, Norveçin "Budyo Qlimt" klubu Niderlandda AZ ilə qarşılaşıb. Görüşdə qalib müəyyənləşməyib -2:2.
Matçın əsas vaxtı meydan sahiblərinin 2:1 hesablı qələbəsi ilə yekunlaşıb. İlk matçda "Budyo Qlimt" rəqibini eyni hesabla məğlub etdiyindən əlavə vaxt oynanılıb. Burada daha bir qol vuran qonaqlar iki görüşün nəticəsinə əsasən, 1/4 finala vəsiqə qazanıblar.
-----------------------------
Futbol üzrə UEFA Konfrans Liqasında 1/8 final mərhələsinin cavab oyunlarına start verilib.
Sportnet.az-ın məlumatına görə, artıq 1/4 finalın ilk üç iştirakçısı bəlli olub.
Pley-off mərhələsində "Qarabağ"ı mübarizədən kənarlaşdıran Fransa "Marsel"i "köhlən atlar"la eyni qrupda yer almış İsveçrə "Bazel"i ilə qarşılaşıb. Görüş qonaqların 2:1 hesablı qələbəsi ilə başa çatıb. İlk matçda da rəqibini eyni hesabla məğlub edən Liqa 1 təmsilçisi adını növbəti mərhələyə yazdırıb.
"Marsel"lə yanaşı, İngiltərənin "Lester" və Niderlandın PSV klubları da 1/4 finala adlayıblar.
-------------------------------
Bu gün futbol üzrə UEFA Konfrans Liqasında 1/8 final mərhələsinə yekun vurulacaq.
Sportnet.az-ın məlumatına görə, bununla da 1/4 final mərhələsinin iştirakçıları bəlli olacaq.
Pley-off mərhələsində "Qarabağ"ı mübarizədən kənarlaşdıran Fransa "Marsel"i "köhlən atlar"la eyni qrupda yer almış İsveçrə "Bazel"inin qonağı olacaq. İlk matçda 2:1 hesablı qələbə qazanan Liqa 1 təmsilçisi üstünlüyünü qorumağa çalışacaq. Qarşılaşma Bakı vaxtı ilə saat 21:45-də başlaycaq.
Turnirin favoritlərindən "Roma" İtaliyada Niderland "Vitess"i, İngiltərə "Lester"i isə Fransada "Renn"lə üz-üzə gələcək.
UEFA Konfrans Liqası, 1/8 final
Cavab oyunları
17 mart
21:45. "Bazel" (İsveçrə) - "Marsel" (Fransa) - 1:2
İlk oyun - 1:2
21:45. "Renn" (Fransa) - "Lester" (İngiltərə) - 2:1
İlk oyun - 0:2
21:45. "Kopenhagen" (Danimarka) - PSV (Niderland) - 0:4
İlk oyun - 4:4
21:45. AZ (Niderland) - "Budyo Qlimt" (Norveç) - 2:2 (ƏLAVƏ VAXTDA - 0:1)
İlk oyun - 1:2
00:00. "Gent" (Belçika) - PAOK (Yunanıstan) - 1:2
İlk oyun - 0:1
00:00. LASK (Avstriya) - "Slaviya" Praqa (Çexiya) - 4:3
İlk oyun - 1:4
00:00. "Roma" (İtaliya) - "Vitess" (Niderland) - 1:1
İlk oyun - 1:0
00:00. "Feyenoord" (Niderland) - "Partizan" (Serbiya) - 3:1
İlk oyun - 5:2
