"Qəbələ"nin baş məşqçisi Roman Qriqorçukun sabiq komandası Ukrayna "Çernomorets"i ev oyunlarını keçirdiyi stadionu dəyişməyə məcbur olub. Sportnet.az-ın məlumatına görə, Ukrayna Daxili İşlər Nazirliyi Odessada yaranmış siyasi gərginliklə əlaqədar stadionun fəaliyyətinə qadağa qoyub.
Nazirliyin hər hansı terror hadisəsinin qarşısını almaq məqsədilə bu cür addım atdığı bildirilir. Komanda mövsüm sonunadək həm çempionat, həm də Ukrayna Kuboku çərçivəsində ev oyunlarını Kiyevdə, "Dinamo"nun stadionunda keçirəcək.
Qeyd edək ki, "Çernomorets" 15 turdan sonra 17 xalla 10-cu pillədə qərarlaşıb.
