İspaniyanın "Real Madrid" klubu Türkiyəyə yollanacaq. Sportnet.az-ın məlumatına görə, bu barədə Büyükşehir Bələdiyyə sədri Recep Altepe yerli mətbuata açıqlamasında bildirib.
"Bursaspor"un yeni stadionunun açılışı zamanı "Real Madrid" və ya "Barselona" komandalarından biri ilə yoldaşlıq oyunu nəzərdə tutulub. Lakin bələdiyyə sədri Madrid klubunun diqqət mərkəzində olduğunu və Bursa azarkeşlərinin məhz bu komandanı daha çox istədiyini deyib.
Qeyd edək ki, azarkeşlər tərəfindən "Timsah Arena" adı verilən yeni stadionun tutumu 45 mindir.
