UEFA Konfrans Liqasında yarımfinal mərhələsinin ilk oyunları keçirilib.
Sportnet.az-ın məlumatına görə, turnirin pley-off mərhələsində "Qarabağ"ı mübarizədən kənarlaşdıran Fransa "Marsel"i Niderlandda "Feyenoord"la üz-üzə gəlib. Görüş meydan sahiblərinin 3:2 hesablı qələbəsi ilə başa çatıb.
Hesabı 18-ci dəqiqədə Amsterdam təmsilçisindən Siril Dessers açıb. 20-ci dəqiqədə Luis Sinisterra fərqi 2 topa çatdırıb. 8 dəqiqə sonra qonaqlardan Bamba Dyenq buraxılan qollardan birinin əvəzini çıxıb. 40-cı dəqiqədə Jerson Santos hesabı bərabərləşdirib. 46-cı dəqiqədə fərqlənən Dessers özünün 2-ci, komandasının isə qələbə qolunu vurub.
Gecənin digər matçında İtaliya "Roma"sı İngiltərədə "Lester"in qonağı olub. Qarşılaşmada qalib müəyyənləşməyib. "Canavarlar"ın heyətində Lorentso Pelleqrinin 15-ci dəqiqədə vurduğu qola "tülkülər" 67-ci dəqiqədə Ademalo Lukmanla cavab veriblər.
-----------------------------------------
Bu gün UEFA Konfrans Liqasında yarımfinal mərhələsinin ilk oyunları keçiriləcək.
Sportnet.az-ın məlumatına görə, hər iki qarşılaşma Bakı vaxtı ilə saat 23:00-da başlayacaq.
Turnirin pley-off mərhələsində "Qarabağ"ı mübarizədən kənarlaşdıran Fransa "Marsel"i Niderlandda "Feyenoord"la üz-üzə gələcək. Görüşü ingiltərəli baş hakim Maykl Oliver idarə edəcək.
Gecənin digər matçında İtaliya "Roma"sı İngiltərədə "Lester"in qonağı olacaq. "Lester Siti" stadionundakı qarşılaşmanın baş hakimi ispaniyalı Karlos del Serro olacaq.
UEFA Konfrans Liqası, yarımfinal
İlk oyunlar
28 aprel
23:00. "Feyenoord" (Niderland) - "Marsel" (Fransa) - 3:2
Qollar: Siril Dessers, 18; 46 Luis Sinisterra, 20 - Bamba Dyenq, 28. Jerson Santos, 40
Baş hakim: Maykl Oliver (İngiltərə)
23:00. "Lester" (İngiltərə) - "Roma" (İtaliya) - 1:1
Qollar: Ademalo Lukman, 67 - Lorentso pelleqrini, 15
Baş hakim: Karlos del Serro (İspaniya)
Qeyd edək ki, yarımfinal mərhələsinin cavab oyunları mayın 5-də gerçəkləşəcək.
