Futbol üzrə Azərbaycan Premyer Liqasında IX tura start verilib.
"Report"un məlumatına görə, günün yeganə oyununda "Zirə" "Şamaxı"nı qəbul edib.
Zirə İdman Kompleksinin stadionundakı qarşılaşma meydan sahiblərinin 1:0 hesablı qələbəsi ilə bitib.
"Qartallar"ın yeganə qolunu 72-ci dəqiqədə Dmitrios Çantakias vurub.
Xallarının sayını 16-ya çatdıran paytaxt təmsilçisi 4-cü pilləyə yüksəlib. 2 xala malik "Şamaxı" isə sonuncu-10-cu sıradadır.
Qeyd edək ki, IX turun "Səbail" - "Sumqayıt", "Neftçi" - "Turan Tovuz" matçları oktyabrın 8-də, "Qəbələ" - "Qarabağ", "Sabah" - "Kəpəz" görüşləri isə oktyabrın 9-da olacaq.
----------------------
Futbol üzrə Azərbaycan Premyer Liqasında bu gün IX tura start veriləcək.
Sportnet.az-ın məlumatına görə, ilk oyun günündə bir qarşılaşma keçiriləcək.
13 xalla 5-ci pillədə qərarlaşan "Zirə" 2 xalla sonuncu-10-cu sırada yer alan "Şamaxı"nı qəbul edəcək.
Komandalar indiyədək ölkə çempionatında 27 dəfə üz-üzə gəliblər. Bunların 10-da "qartallar" 6-da qonaqlar qələbə qazanıb. Topların nisbətində də paytaxt təmsilçisi üstündür - 33:27. "Zirə" Premyer Liqadakı son 8 qarşılaşmada rəqibinə uduzmayıb. "Şamaxı" isə ardıcıl 5 görüşdə qol vurmayıb.
Azərbaycan Premyer Liqası
IX tur
7 oktyabr (cümə)
17:30. “Zirə” – “Şamaxı” - 1:0
Qollar: Dmitrios Çantakias, 72
Zirə İdman Kompleksinin stadionu
Qeyd edək ki, IX turun "Səbail" - "Sumqayıt", "Neftçi" - "Turan Tovuz" matçları oktyabrın 8-də, "Qəbələ" - "Qarabağ", "Sabah" - "Kəpəz" görüşləri isə oktyabrın 9-da olacaq.
