İtaliya A Seriyasında IX turun mərkəzi görüşü "Milan" və "Yuventus" komandaları arasında keçirilib.
Sportnet.az xəbər verir ki, "Cüzeppe Meatsa" stadionunda təşkil olunmuş qarşılaşma meydan sahiblərinin qələbəsi ilə yekunlaşıb - 2:0. Hesabı 45+1-ci dəqiqədə Fikayo Tomori açıb. 54-cü dəqiqədə isə Braim Dias son nöqtəni qoyub.
Bu qələbə sayəsində xalını 20-yə çatdıran "Milan" 2-ci pillədə qərarlaşıb. İlk pillədəki "Napoli" də eyni xala malik olsa da, hesabat turunun oyununu hələ keçirməyib.
"Yuventus" isə 13 xalla 8-cidir.
