UEFA Çempionlar Liqasının qrup mərhələsində IV tura yekun vurulub.
Sportnet.az-ın məlumatına görə, son 6 oyundan sonra daha bir komanda pley-offa yüksəlib.
C qrupunda yer alan Almaniya "Bavariya"sı Çexiyada "Viktoriya" (Plzen) komandasını məğlub etməklə adını 1/8 finala yazdırıb. Bu qrupun digər matçında isə İtaliya "İnter"i İspaniyada "Barselona" ilə sülhə razılaşıb.
A qrupunda İngiltərə "Liverpul"u Şotlandiyada "Reyncers"i darmadağın edib. B qrupunda Portuqaliya "Portu"su Almaniyada "Bayer"in qapısından 3 cavabsız top keçirib.
D qrupunda isə "Tottenhem" İngiltərədə Almaniya "Ayntraxt"ına, Fransa "Marsel"i isə Portuqaliyada "Sportinq"ə qalib gəlib.
Qeyd edək ki, daha əvvəl İspaniyanın "Real Madrid", İngiltərənin "Mançester Siti", İtaliyanın "Napoli" və Belçikanın "Brügge" komandaları pley-offa vəsiqə qazanıblar.
----------------------------------------
UEFA Çempionlar Liqasının qrup mərhələsinin IV turunda daha 2 oyun keçirilib.
Sportnet.az-ın məlumatına görə, A qrupunda "Napoli" İtaliyada Niderland "Ayaks"ını qəbul edib. Rəqibini 4:2 hesabı ilə məğlub edən meydan sahibləri sona 2 tur qalmış pley-offa vəsiqəni rəsmiləşdiriblər.
B qrupunda isə Madrid "Atletiko"su İspaniyada Belçika "Brügge"si ilə üz-üzə gəlib. Görüş qolsuz heç-heçə ilə başa çatıb. Bu nəticədən sonra qonaqlar vaxtından əvvəl 1/8 finala yüksəliblər.
----------------------------------------
Bu gün UEFA Çempionlar Liqasının qrup mərhələsində IV tura yekun vurulacaq.
Sportnet.az-ın məlumatına görə, A,B,C və D qruplarında ümumilikdə 8 qarşılaşma oynanılacaq.
A qrupunda "Napoli" İtaliyada Niderland "Ayaks"ını qəbul edəcək. İngiltərə "Liverpul"u Şotlandiyada "Reyncers"in qonağı olacaq. Neapol təmsilçisinə pley-offa vəsiqəni rəsmiləşdirmək üçün heç-heçə də kifayət edəcək.
B qrupunda İspaniyanın "Atletiko" (Madrid) komandası Belçika "Brügge"si ilə üz-üzə gələcək. Qonaqlar Madriddə qələbə qazanacağı təqdirdə digər qarşılaşmanın nəticəsindən asılı olmayaraq 1/8 finala yüksələcək. Digər görüşdə "Bayer" Almaniyada Portuqaliya "Portu"sunu sınağa çəkəcək.
Günün maraqla gözlənilən matçı C qrupunda gerçəkləşəcək. İtaliya "İnter"i İspaniyada "Barselona"nın qonağı olacaq. Qrupun autsayderi "Viktoriya" (Plzen) Çexiyada Almaniya "Bavariya"sı ilə görüşəcək. Münhenlilər qələbə sayəsində növbəti mərhələyə vəsiqəni təmin edə bilər. Bunun üçün Kataloniya təmsilçisi bu tur xal itirməlidir.
Nəhayət, D qrupunda "Tottenhem" İngiltərədə Almaniyanın "Ayntraxt" (Frankurt) kollektivini, "Sportinq" isə Portuqaliyada Fransa "Marsel"ini qəbul edəcək. Bu qrupda hər komandanın pley-off şansı davam edir.
Çempionlar Liqası
Qrup mərhələsi, IV tur
12 oktyabr
A qrupu
20:45. "Napoli" (İtaliya) - "Ayaks" (Niderland) - 4:2
Qollar: İrvinq Losano, 4. Cakomo Raspadori, 16. Xviça Kvaratsxeliya, 62 (penalti). Viktor Osimhen - Devi Klassen, 49. Stiven Berqveyn, 83 (penalti)
23:00. "Reyncers" (Şotlandiya) - "Liverpul" (İngiltərə) - 1:7
Qollar: Skott Arfild, 17 - Roberto Firmino, 24; 55. Darvin Nunyes, 66, Məhəmməd Salah, 76; 80; 81. Harvi Elliott, 87
Xal durumu: "Napoli" - 12 . "Liverpul" - 9. "Ayaks" - 3. "Reyncers" - 0.
B qrupu
20:45. "Atletiko" (Madrid, İspaniya) - "Brügge" (Belçika) - 0:0
Qırmızı vərəqə: Kamal Sova, 82 ("Brügge")
23:00. "Bayer" (Almaniya) - "Portu" (Portuqaliya) - 0:3
Qollar: Qaleno, 6. Mehdi Taremi, 53 (penalti), 64 (penalti)
Xal durumu: "Brügge" - 10. "Portu" - 6. "Atletiko" - 4. "Bayer" - 3.
C qrupu
23:00. "Viktoriya" (Plzen, Çexiya) - "Bavariya" (Almaniya) - 2:4
Qollar: Adam Vlkanova, 62. Yan Kliment, 75 - Sadio Mane, 10. Tomas Müller, 14. Leon Qoretska, 25; 35
23:00. "Barselona" (İspaniya) - "İnter" (İtaliya) - 3:3
Qollar: Usman Dembele, 40. Robert Levandovski, 82; 90+2 - Nikola Barella, 50. Lautaro Martines, 63. Robin Qosens, 89
Xal durumu: "Bavariya" - 12. "İnter" - 7. "Barselona" - 4. "Viktoriya" - 0
D qrupu
23:00. "Tottenhem" (İngiltərə) - "Ayntraxt" (Frankurt, Almaniya) - 3:2
Qollar: Hın Min Son, 20; 36. Harri Keyn, 28 (penalti) - Daiti Kamada, 14. Faride Alidu, 87
İstifadə edilməmiş penalti: Harri Keyn, 90+2 ("Tottenhem")
Qırmızı vərəqə: Tuta, 60 ("Ayntraxt")
23:00. "Sportinq" (Portuqaliya) - "Marsel" (Fransa) - 0:2
Qollar: Matteo Genduzi, 20 (penalti). Aleksis Sançes, 30
Qırmızı vərəqə: Rikardu Eşqayu, 19. Pedru Qonsalveş, 61 (hər ikisi "Sportinq")
Xal durumu: "Tottenhem" - 7. "Marsel" - 6. "Sportinq" - 6. "Ayntraxt" - 4.
