Misli Premyer Liqasında X turun daha bir oyunu keçirilib.
Sportnet.az-ın məlumatına görə, "Sabah" evdə "Zirə"ni qəbul edib. "Bank Respublika Arena"dakı qarşılaşma meydan sahiblərinin minimal hesablı qələbəsi ilə başa çatıb. Yeganə qolu 72-ci dəqiqədə Emmanuel Apeh vurub.
Qarşılaşma "Zirə" üçün iki itki ilə də əlamətdar olub. 26-cı dəqiqədə Hamidu Keyta zədələnərək, yerini Rüstəm Əhmədzadəyə verib.
Ötən tur 200-cü oyununu keçirdiyi üçün bu qarşılaşmada klub rəhbərliyi tərəfindən mükafatlandırılan Coşqun Diniyev isə 84-cü dəqiqədə ikinci sarı vərəqə alaraq, meydandan kənarlaşdırılıb.
Bu nəticədən sonra xallarını 25-ə çatdıran "Sabah" liderliyə yüksəlib. 16 xalı olan "Zirə" isə 4-cü sırada qalıb.
Qeyd edək ki, turun əvvəlki iki oyununda "Şamaxı" evdə "Qəbələ" ilə 1:1, "Səbail" isə səfərdə "Turan Tovuz"la 2:2 hesablı heç-heçə edib. Tura oktyabrın 16-da keçiriləcək "Kəpəz" - "Neftçi" və "Qarabağ" - "Sumqayıt" matçları ilə yekun vurulacaq.
-------------------------------------
Misli Premyer Liqasının X turunda daha bir oyun keçirilib.
Sportnet.az-ın məlumatına görə, "Turan Tovuz" evdə "Səbail"lə qarşılaşıb. Tovuz şəhər stadionundakı qarşılaşma 2:2 hesabı ilə başa çatıb.
İlk qolu 9-cu dəqiqədə meydan sahibləri vurub. Komandanın ən sərrast futbolçusu Runi Eva penaltini dəqiq yerinə yetirib. 3 dəqiqə sonra Franko Mazurek baxımlı qolla hesabı bərabərləşdirib. 32-ci dəqiqədə Henri Okebuqvu Tovuz təmsilçisini yenidən önə keçirib. Görüşdə son nöqtəni isə 54-cü dəqiqədə qonaqlardan Ağabala Ramazanov qoyub.
Bu nəticədən sonra xallarını 12-yə çatdıran "Turan Tovuz" 6-cı pillədəki mövqeyini qoruyub. 9 xalı olan "Səbail" isə 7-cidir.
Günün ikinci qarşılaşmasında "Sabah" "Zirə"ni qəbul edəcək.
Qeyd edək ki, turun açılış oyununda "Şamaxı" evdə "Qəbələ" ilə heç-heçə edib - 1:1. Tura oktyabrın 16-da keçiriləcək "Kəpəz" - "Neftçi" və "Qarabağ" - "Sumqayıt" matçları ilə yekun vurulacaq.
------------------------------------
Bu gün Misli Premyer Liqasında X turun daha 2 oyunu keçiriləcək.
Sportnet.az-ın məlumatına görə, günün ilk matçı Tovuzda olacaq. 11 xalla 6-cı sırada yer alan "Turan Tovuz" 8 xalla turnir cədvəlində özündən 1 pillə aşağıda qərarlaşan "Səbail"lə qarşılaşacaq.
Komandalar arasında yeganə qarşılaşma cari mövsümə təsadüf edib. Bölgə təmsilçisi səfərdə 1:0 hesabı ilə qalib gəlib.
Turun digər oyununda "Zirə" "Sabah"ın qonağı olacaq. Murad Musayevin baş məşqçi olduğu meydan sahibləri hazırda 22 xalla 2-ci, Rəşad Sadıqovun rəhbərlik etdiyi qonaqlar isə 16 xalla 4-cü pillədə qərarlaşıblar.
İki komanda indiyədək ölkə çempionatında 16 dəfə qarşılaşıb. Bunların 7-də meydan sahibləri, 4-də qonaqlar qələbə qazanıb. 5 oyun heç-heçə başa çatıb. Topların nisbəti də "Sabah"ın xeyrinədir - 25:21.
Tərəflər arasındakı son 7 görüşdə ən azı 2 qol qeydə alınıb. Ardıcıl iki dəfə eyni hesabla uduzan “Zirə” son 8 oyunda meydanı qolsuz tərk etməyib.
Misli Premyer Liqası, X tur
15 oktyabr (şənbə)
15:00. “Turan Tovuz” – “Səbail” - 2:2
Qollar: Runi Eva, 9 (penalti). Henri Okebuqvu, 32 - Franko Mazurek, 12. Ağabala Ramazanov, 54
Hakimlər: Kamal Umudlu, Rəhman İmami, Vüsal Məmmədov, Kamranbəy Rəhimov
Hakim-inspektor: Babək Quliyev
Tovuz şəhər stadionu.
17:30. “Sabah” – “Zirə” - 1:0
Qol: Emmanuel Apeh, 72
Qırmızı vərəqə: Coşqun Diniyev, 85 ("Zirə")
Hakimlər: Elçin Məsiyev, Elşad Abdullayev, Pərvin Talıbov, Cavid Cəlilov
Hakim-inspektor: Munis Abdullayev
“Bank Respublika Arena"
Qeyd edək ki, turun açılış oyununda "Şamaxı" evdə "Qəbələ" ilə heç-heçə edib - 1:1. Tura oktyabrın 16-da keçiriləcək "Kəpəz" - "Neftçi" və "Qarabağ" - "Sumqayıt" matçları ilə yekun vurulacaq.
