Misli Premyer Liqasında XI turun daha bir oyunu keçirilib.
Sportnet.az-ın məlumatına görə, günün ilk matçında “Səbail” “Şamaxı”nı qəbul edib.
“ASCO Arena”da keçirilən görüşdə hesab açılmayıb.
Meydan sahiblərinin heyətində Tural Bayramlı 42-ci dəqiqədə qırmızı vərəqə alaraq komandasını azlıqda qoyub.
Bu nəticə ilə xallarının sayını 10-a çatdıran “Səbail” 7-ci, 4 xalı olan “Şamaxı” isə “Sumqayıt”ı qabaqlayaraq 9-cu pillədə yer alıb.
Qeyd edək ki, turun əvvəlki oyunlarında "Qarabağ" "Turan Tovuz"u 3, "Zirə" "Sumqayıt"ı 2 cavabsız qolla üstələyib. "Qəbələ" - "Kəpəz" matçında isə qalib müəyyənləşməyib - 1:1.
Tura “Neftçi” – “Sabah” matçı ilə yekun vurulacaq.
------------------------
Misli Premyer Liqasında XI tura bu gen yekun vurulacaq.
Sportnet.az-ın məlumatına görə, sonuncu oyun günündə daha iki qarşılaşma keçiriləcək.
Günün ilk görüşündə "Səbail" "Şamaxı"nı qəbul edəcək. Meydan sahibləri 9 xalla 7-ci, qonaqlar 3 xalla sonuncu - 8-ci pillədə qərarlaşıb. Komandalar indiyədək ölkə çempionatlarında 20 dəfə üz-üzə gəliblər. Bunların 7-də paytaxt təmsilçisi, 6-da bölgə klubu qələbə qazanıb. Topların nisbəti isə bərabərdir - 21:21.
Tura "Neftçi" - "Sabah" oyunu ilə yekun vurulacaq. "Ağ-qaralar" 22 xalla üçüncü, qonaqlar 25 xalla ikinci sıradadır. Tərəflər Premyer Liqada 16 dəfə qarşılaşıblar. 12 dəfə "Neftçi", 2 dəfə "Sabah" meydanı 3 xalla tərk edib. Topların nisbətində də meydan sahibləri aşkar üstündür - 29:10.
Misli Premyer Liqası, XI tur
23 oktyabr (bazar)
16:00. “Səbail” – “Şamaxı” - 0:0
Hakimlər: İnqilab Məmmədov, Cavanşir Yusifov, Rahil Ramazanov, Səbuhi Bayramov
Hakim-inspektor: Ramil Diniyev
“ASCO Arena”
18:30. “Neftçi” – “Sabah” - 2:3
Qollar: Ömər Buludov, 71. Emin Mahmudov, 83 (pen.) - Coy Lens Mikel's, 37. Emmanuel Apeh, 45+7. Aleksey İsayev, 52
Qırmızı vərəqə: İsmayıl Zülfüqarlı, 74 ("Neftçi")
Hakimlər: Kamal Umudlu, Rəhman İmami, Vüsal Məmmədov, Tural Qurbanov
Hakim-inspektor: Anar Salmanov
“Bakcell Arena”
