UEFA Avropa Liqasında son 1/8 finalçı komanda müəyyənləşib.
Sportnet.az-ın məlumatına görə, pley-off mərhələsinin cavab oyununda Fransada “Renn”ə qalib gələn Ukraynanın “Şaxtyor” (Donetsk) klubu növbəti raunda adlayıb.
Matçın əsas vaxtı ev sahiblərinin 1:0 hesablı qələbəsi ilə başa çatıb. İlk matçda ukraynalılar 2:1 hesabı ilə qalib gəldiklərindən əlavə vaxt oynanılıb. Burada da ümumi tarazlıq pozulmadığından, penaltilər seriyasından istifadə olunub. 11 metrlik zərbələri daha dəqiq yerinə yetirən (5:4) Donetsk təmsilçisi 1/8 finala yüksəlib.
--------------------------------------
UEFA Avropa Liqasında 1/8 finalın daha 3 iştirakçısı bəlli olub.
Sportnet.az-ın məlumatına görə, İtaliyanın "Roma", İngiltərənin "Mançester Yunayted" və Almaniyanın "Union" (Berlin) komandaları növbəti mərhələyə adlayıblar.
“Renn” (Fransa) - “Şaxtyor” (Donetsk, Ukrayna) görüşündə isə ümumi hesab bərabər olduğundan əlavə vaxt oynanılır.
---------------------------------------
UEFA Avropa Liqasında daha bir komanda 1/8 finala yüksəlib.
Sportnet.az-ın məlumatına görə, pley-off mərhələsinin cavab oyununda Fransada "Monako"ya qalib gələn Almaniyanın "Bayer" (Leverkuzen) klubu növbəti raunda adlayıb.
Matçın əsas vaxtı qonaqların 3:2 hesablı qələbəsi ilə başa çatıb. İlk matçda fransalılar eyni hesabla qalib gəldiklərindən əlavə vaxt oynanılıb. Burada da hesab dəyişmədiyindən penaltilər seriyasından istifadə olunub. 11 metrlik cərimə zərbələrini daha dəqiq yerinə yetirən (3:2) Leverkuzen təmsilçisi 1/8 finala yüksəlib.
----------------------------------------
UEFA Avropa Liqasında pley-off mərhələsinin cavab oyunlarına start verilib.
Sportnet.az-ın məlumatına görə, bu günə nəzərdə tutulan 8 matçdan 3-ü artıq başa çatıb. Bununla da 1/8 finala vəsiqə qazanan 3 komandanın adına aydınlıq gəlib.
Bunlar Portuqaliyanın "Sportinq", İtaliyanın "Yuventus" və İspaniyanın "Sevilya" kollektivləridir.
"Monako" (Fransa) - "Bayer" (Leverkuzen, Almaniya) matçında isə ümumi hesab bərabər (5:5) olduğundan əlavə vaxt oynanılacaq.
Qeyd edək ki, digər 4 cavab matçı Bakı vaxtı ilə saat 00:00-da başlayacaq.
------------------------------------------
Bu gün UEFA Avropa Liqasında pley-off mərhələsinin cavab oyunları keçiriləcək.
Sportnet.az-ın məlumatına görə, baş tutacaq qarşılaşmaların ardından 1/8 finala adlayacaq 8 klubun adına aydınlıq gələcək.
Raundun ən diqqətçəkən cütlüyü olan İspaniya “Barselona”sı ilə İngiltərə klubu “Mançester Yunayted” bu dəfə ikincilərin meydanında üz-üzə gələcəklər. “Nou Kamp”dakı qollu bərabərliyin revanşında komandalar “Old Trafford”da münasibətlərinə aydınlıq gətirəcəklər.
Turnirin digər favoritləri hesab edilən İtaliya klublarından “Roma” öz meydanında, “Yuventus” isə səfərdə çıxış edəcək.
UEFA Avropa Liqası
Pley-off mərhələsi, cavab oyunları
23 fevral
21:45. “Midtüllan” (Danimarka) - “Sportinq” (Portuqaliya) - 0:4
Qollar: Sebastyan Koates, 21. Pedru Qonsalveş, 50; 77. Stefan Qartenmann, 85
Qırmızı vərəqə: Paulinyo, 38 ("Midtüllan")
İlk oyun - 1:1
21:45. “Monako” (Fransa) - “Bayer” (Leverkuzen, Almaniya) - 2:3 (PENALTİLƏRDƏ - 3:5)
Qollar: Vissam Ben Yedder, 19 (penalti). Brel Embolo, 84 - Florian Virts, 13. Esekiel Palasios, 21. Amin Adli, 58
İlk oyun - 3:2
21:45. “Nant” (Fransa) - “Yuventus” (İtaliya) - 0:3
Qollar: Anxel Di Maria, 5; 20 (penalti); 78
Qırmızı vərəqə: Nikolya Pallua, 18 ("Nant")
İlk oyun - 1:1
21:45. PSV (Niderland) - “Sevilya” (İspaniya) - 2:0
Qollar: Lyuk de Yonq, 76. Fabio Silva, 90+4
İlk oyun - 0:3
00:00. “Roma” (İtaliya) - “Zaltsburq” (Avstriya) - 2:0
Qollar: Andrea Belotti, 33. Paulo Dibala, 40
İlk oyun - 0:1
00:00. “Mançester Yunayted” (İngiltərə) - “Barselona” (İspaniya) - 2:1
Qollar: Fred, 47. Antoni, 73 - Robert Levandovski, 18 (penalti)
İlk oyun - 2:2
00:00. “Renn” (Fransa) - “Şaxtyor” (Donetsk, Ukrayna) - 2:1 (PENALTİLƏRDƏ - 4:5)
Qollar: Toko Ekambi, 52. İbrahim Salah, 106 - Janüel Belosyan, 119 (avtoqol)
İlk oyun - 1:2
00:00. “Union” (Berlin, Almaniya) - “Ayaks” (Niderland) - 3:1
Qollar: Robin Knoxe, 20. Yosip Yuranoviç, 44. Danilo Duxi, 50 - Məhəmməd Kudus, 47
İlk oyun - 0:0
