İspaniyanın "Barselona" klubunun futbolçusu Robert Levandovski zədələnib.
Sportnet.az Kataloniya təmsilçisinin rəsmi tviter hesabına istinadən xəbər verir ki, 35 yaşlı hücumçunun əzələsində problem aşkarlanıb.
Polşalı forvard martın 2-də səfərdə "Real Madrid"ə qarşı keçirəcəkləri İspaniya Kubokunun ilk yarımfinal oyununu buraxacaq.
Levandovskinin martın 19-da La Liqanın XXVI turunda məhz "kral klubu" ilə görüşdə sıraya dönəcəyi gözlənilir.
Qeyd edək ki, komandalar arasındakı cavab matçı aprelin 5-də olacaq.
