Misli Premyer Liqasının XXVI turunun daha iki oyunu keçirilib.
Sportnet.az-ın məlumatına görə, günün ilk matçı Tovuzda baş tutub. “Turan Tovuz” doğma meydanda “Qəbələ”ni qonaq edib. İki qolun qeydə alındığı matçda qalib müəyyənləşməyib - 1:1.
Bu görüşün ardından "qırmızı qaralar" xallarının sayını 33-ə çatdıraraq, 5-ci pillədəki mövqeyini qoruyub. "Turan Tovuz" isə 27 xalla 6-cı sırada qərarlaşıb.
Günün digər görüşündə isə lider “Qarabağ” sonuncu sıradakı “Səbail”i qəbul edib. Qarşılaşma Ağdam klubunun böyükhesablı qələbəsi ilə başa çatıb - 3:0.
Bu qələbə ilə "köhlən atlar" xallarının sayını 68-ə çatdıraraq, liderliyini möhkəmləndirib. "Dənizçilər" isə 17 xalla sonuncu pillədə yer alır.
Premyer Liqa
XXVI tur
11 mart (şənbə)
15:00. “Turan Tovuz” – “Qəbələ” - 1:1
Qollar: Runi va, 19 (pen.) - Felipe Santos, 39
Hakimlər: Rauf Cabarov, Pərvin Talıbov, Zöhrab Abbasov, Emin Əliyev
Hakim-inspektor: Ömər Paşayev
AFFA nümayəndəsi: Maşallah Əhmədov
Tovuz şəhər stadionu
18:00. “Qarabağ” – “Səbail” - 3:0
QOL: Elvin Cəfərquliyev, 24, Musa Qurbanlı, 35, Julio Romao, 53
Hakimlər: Rəvan Həmzəzadə, Cəmil Quliyev, Rahil Ramazanov, Şamil İmanzadə
Hakim-inspektor: Ramil Diniyev
AFFA nümayəndəsi: Rüfət Əmirov
“Azersun Arena”
