Avstriya millisinin kapitanı David Alaba Azərbaycan yığmasına qarşı AVRO-2024-ün seçmə qrup mərhələsinin oyununu buraxmalı olacaq.
Sportnet.az xəbər verir ki, bu haqda komandanın baş məşqçisi Ralf Ranqnik bildirib. Onun sözlərinə görə, İspaniya "Real Madrid"indən dəvət olunmuş müdafiəçi yığma komanda ilə məşqlərə başlasa da, meydana çıxmağa tam hazır deyil. Bu görüşdə kapitan funksiyasını yarımmüdafiəçi Marsel Sabitzer yerinə yetirəcək.
Qeyd edək ki, martın 24-də “Raiffeisen Arena”da keçiriləcək Avstriya - Azərbaycan oyunu Bakı vaxtı ilə saat 23:45-də başlayacaq.
