İtaliya A Seriyasında XXVIII turun mərkəzi görüşü "Napoli" və "Milan" komandaları arasında keçirilib.
Sportnet.az-ın məlumatına görə, Neapol şəhərindəki "Dieqo Armando Maradona" stadionunda təşkil olunmuş qarşılaşma qonaqların böyük hesablı qələbəsi ilə yekunlaşıb - 4:0. Rafael Leau 17-ci və 59-cu dəqiqələrdə dubl edib. Digər qolları Braim Dias 25-ci, Aleksis Salemakers 67-ci dəqiqədə vurub.
Məğlubiyyətə rəğmən, "Napoli" 71 xalla liderliyini qoruyur. Xalını 51-ə çatdıran "Milan" isə 3-cü pilləyə yüksəlib.
