"İnter Mayami" Serxio Busketslə sözləşmə imzaladığını rəsmən açıqlayıb.
Sportnet.az xəbər verir ki, bu haqda klubun saytı məlumat yayıb. 35 yaşlı yarımmüdafiəçi ilə 2025-ci ilə qədər müqavilə imzalanıb.
İspaniyalı futbolçu MLS klubuna azad agent kimi keçib. O, may ayında müqaviləsinin müddəti başa çatdığı üçün "Barselona"dan ayrılmışdı.
Buskets bütün karyerasını Kataloniya təmsilçisində keçirib. O, son mövsümdə İspaniya çempionatında 30 matçda iştirak edib və 4 qolun ötürməsini verib.
Qeyd edək ki, bunadək "İnter Mayami" Serxionun "Barselona"da birlikdə çıxış etdiyi Lionel Messinin transferini açıqlamışdı .
