Çempionlar Liqasının 1/8 final mərhələsində İspaniyanın "Valensiya" klubu ilə İtaliya "Atalanta"sı arasındakı cavab oyunu azarkeşsiz keçiriləcək.
Sportnet.az Berqamo klubunun rəsmi saytına istinadən xəbər verir ki, UEFA koronavirus epidemiyasının yayılmasının qarşısını almaq üçün bu qərarı qəbul edib.
Klubun açıqlamasında o da bildirilib ki, səfər oyununa bilet əldə etmiş azarkeşlər pullarını geri ala bilərlər.
İtaliyada keçirilən ilk matçda "Atalanta" "Valensiya"nı 4:1 hesabı ilə məğlub edib. Cavab görüşü martın 10-da "Mestalya" stadionunda baş tutacaq.
Qeyd edək ki, İspaniyada koronavirusa 248 yoluxma halı aşkarlanıb. Onlardan 3-ü dünyasını dəyişib.
