Azərbaycanın yeniyetmə bədii gimnastları İspaniyanın Qvadalaxara şəhərində "Challenge” seriyasına aid Dünya Kubokunda mübarizə aparıblar.
Sportnet.az-ın federasiyanın rəsmi saytına istinadən verdiyi məlumata görə, komanda hesabında Nərminə Səmədova və Arzu Cəlilovadan ibarət duet ümumi hesabda 88.550 xalla bürünc medala layiq görülüb. Sıralamada 4-cü yerdə də 86.950 xalla Azərbaycanın digər gimnastları Dərya Farşbafşəhriyari və Yelizaveta Luzan qərarlaşıb.
Fərdi final yarışlarında Arzu Cəlilova gürzlərlə 4-cü, lentlə 7-ci olub. Luzan isə halqa ilə çıxışına görə 6-cı yerdə qərarlaşıb.
