Azərbaycan taekvondoçuları Argentinanın paytaxtı Buenos-Ayresdə keçiriləcək Yeniyetmələrin III Yay Olimpiya Oyunlarına hazırlıqları başa vurub.
Sportnet.az xəbər verir ki, oktyabrın 6-da start götürəcək olimpiadada Cavad Ağayev 63 kq, Minayə Əkbərova isə 44 kq çəki dərəcəsində təmsil olunacaq. Onlar yarışlara baş məşqçi Məmməd Abdullayevin rəhbərliyi altında qatılacaqlar.
Qeyd edək ki, "Buenos-Ayres 2018"ə Azərbaycanın ümumilikdə 17 idmançısı lisenziya qazanıb. Onlar oktyabrın 4-də yola düşəcəklər.
