Ukraynanın "Dinamo" (Kiyev) komandasının Çexiya "Viktoriya"sı ilə yoxlama matçı 34-cü dəqiqədə dayandırılıb. Sportnet.az-ın məlumatına görə, həmin vaxt hesab 0:0 olub.
Görüşün baş hakimi prinsipiallıq göstərərək, bu addımı atıb. O, 27-ci dəqiqədə "Dinamo"nun futbolçusu Yusuf Belandanı meydandan qovub. Kiyevlilərin baş məşqçisi Sergey Rebrov isə bir neçə dəqiqə sonra meydana 11-ci futbolçunu buraxmaq istəyib. Görüş qeyri-rəsmi status daşısa da, referi əvəzləməyə icazə verməyib və oyunu dayandırıb.
