FİFA milli komandaların növbəti reytinq cədvəlini açıqlayıb. Sportnet.az-ın məlumatına görə, millimiz siyahıda 10 pillə geriləyib.
Hazırda milli komandamız dünyanın 115-ci komandasıdır. Ötən ay 328 xalla 105-ci yerdə olan seçməmizin 10 pillə geriləməsinə səbəb AVRO-2016-nın seçmə oyunlarında İtaliyaya evdə (1:3), Bolqarıstana isə səfərdə (0:2) uduzmasıdır. Nəticədə yığmamızın xal hesabı 293-ə düşüb.
Yeni açıqlanan reytinq həm də Belçika milli komandasının tarixində ilk dəfə siyahıya başçılıq etməsi ilə əlamətdar olub. İkinci pillədə isə 1288 xalla Almaniya qərarlaşıb. İlk üçlüyü isə 1383 xalla Argentina yığması qapayır.
AVRO-2016-nın seçmə turnirinin son iki matçında Andorra (4:1) və İsrail (3:1) yığmalarını məğlub edən "qırmızı iblislər" tarixi ilkə imza atıb.
Qeyd edək ki, 1993-cü ildən tətbiq edilən FİFA reytinqinin növbəti versiyası dekabrın 3-də açıqlanacaq.
