Fransanın paytaxtı Paris ətrafındakı Sen-Denidə yerləşən "Stad de Frans"ın qarşısında partlayış baş verib. Sportnet.az-ın məlumatına görə, şahidlər iki partlayış səsi eşidiblər.
Həmin vaxt stadionda Fransa ilə Almaniya yığmaları arasında yoldaşlıq görüşü keçirilib. Görüşü izləyən Fransa prezidenti Fransua Olland və digər mühüm şəxslər evakuasiya olunub. Azarkeşlər isə stadionu tərk edə bilməyiblər. Polislər təhlükəsizlik tədbirləri kimi stadionu əhatəyə alaraq, insanları çölə buraxmırlar. Matç Fransanın qələbəsi ilə yekunlaşıb - 2:0. Qolları Olivye Jiru (dəq. 45+1) və Andre-Pyer Jinyak (dəq. 86) vurub.
Bundan başqa naməlum şəxslər Parisdəki restoran və teatrı atəşə tutublar. Ölənlərin sayının 40-ı keçdiyi bildirilir. Ən azı 80 nəfər girov götürülüb.
