"Azərbaycan Beynəlxalq Bankı” ASC-dən kredit götürərək qaytarmamaqda günahlandırılan "City Developer” MMC-nin direktoru Ratmir Bəkirov xəstəxanaya yerləşdirilib. Sportnet.az-ın "Report"a istinadən məlumatına görə, o, Penitensiar Xidmətin Müalicə Müəssisəsinə aparılıb.
R.Bəkirov əməliyyat ediləcək. Əməliyyat edildikdən və səhhəti normallaşandan sonra məhkəməyə aparılacaq.
Qeyd edək ki, R.Bəkirov barəsində seçilmiş həbs qətimkan tədbirinin müddətinin artırılması üçün Nərimanov Rayon Məhkəməsinə aparılmalı idi.
R.Bəkirov fəaliyyətini dayandırmış "Simurq” klubunun prezidenti Anar Bəkirovun atasıdır. Onun "Azərbaycan Beynəlxalq Bankı” ASC-yə təxminən 50 milyon dollar borcunun olduğu bildirilir.
