İtaliya millisinin hücumçusu Çiro İmmobile Avro-2016-nın Azərbaycanla oyunu barədə fikirlərini bölüşüb. Sportnet.az-ın məlumatına görə, Dortmund "Borussiya"sının forvardı UEFA-nın rəsmi saytıma açıqlamasında qələbəyə görə azarkeşlərə minnətdar olduğunu deyib.
Oyunun asan keçmədiyini deyən futbolçu qol vəziyyətlərindən yararlana bilmədiklərinə görə təəssüf hiss keçirib: "Əlbəttə, belə oyunlarda fürsətdən maksimum istifadə etmək lazımdır. Zaza da, mən də fərqlənməyə çox çalışdıq. Amma imkanlarımız olsa da, qol vura bilmədik. Digər tərəfdən, vacib deyil ki, mən fərqlənim. Əsas odur ki, lazım olan 3 xalı qazandıq. Azarkeşlərə minnətdaram ki, qələbə qazanmaq üçün komandamızı sona qədər dəstəklədilər".
Qeyd edək ki, İtaliya - Azərbaycan oyunu 2:1 hesabı ilə başa çatıb.
