Avro-2016-nın seçmə qrup mərhələsində millimizlə eyni qrupda mübarizə aparan Norveçin dünənki qələbəsi rekordla yadda qalıb. Sportnet.az-ın məlumatına görə, Norveç - Bolqarıstan görüşü meydan sahiblərinin müdafiəçisi Martin Odeqor üçün xüsusi əhəmiyyətli olub.
Paytaxt Osloda baş tutan matçda hesab 1:1 olarkən, 64-cü dəqiqədə meydana əvəzetmədən çıxan "Stromsqodset"in gənc üzvü Avropa çempionatlarının həm final, həm də seçmə mərhələlərində oynamış ən gənc futbolçu kimi tarixə düşüb. Belə ki, Odeqorun hələ 16 yaşı tamam olmayıb. Dünənki qarşılaşmada o, 15 yaş 300 günlük olub.
Qeyd edək ki, Norveç - Bolqarıstan matçı 2:1 hesabı ilə başa çatıb.
