FİFA milli komandaların reytinq cədvəlini açıqlayıb. Sportnet.az-ın məlumatına görə, Azərbaycan millisi yenə geriləyib. Hazırda 233 xala malik yığmamız 31 pillə geriləyərək 126-ci yerdə qərarlaşıb.
Millimizin 2016-ci Avropa Çempionatının seçmə qrup mərhələsində son iki matçda uduzduğu yığmalardan olan İtaliya 2 pillə irəliləyərək 1064 xalla 11-ci, Xorvatiya isə 5 pillə irəlləyərək 1002 xalla 14-cu pillədə qərarlaşıb.
Siyahıya Almaniya yığması başçılıq edir. Hesabında 1669 xal var. 1565 xala malik Argentina ikinci, 1420 xalla Kolumbiya yığması üçüncü pillədə qalıb.
Qeyd edək ki, növbəti reytinq cədvəli noyabrın 27-də açıqlanacaq.
