Argentinanın "Belqrano" və "Defansa Xustisiya" komandaları arasında keçirilmiş ölkə çempionatı matçında faciə baş verib. Sportnet.az-ın məlumatına görə, "Belqrano"nun 22 yaşlı azarkeşi tribunadan yıxılaraq, dünyasını dəyişib.
O, sevimli komandasının ikinci qolunu qeyd edərkən, 25 metr hündürlükdən yerə çırpılıb. Fanat təcili yardım maşını ilə xəstəxanaya aparılarkən, keçinib.
Qeyd edək ki, görüş "Belqrano"nun böyük hesablı qələbəsi ilə yekunlaşıb - 3:0.
