FİFA milli komandaların reytinq cədvəlini açıqlayıb. Sportnet.az-ın məlumatına görə, yığmamız mövqeyini dəyişmədən 215 xalla 135-ci pillədə qərarlaşıb.
AVRO-2016-nın qrup mərhələsində rəqiblərimizdən olan İtaliya millisi 1103 xalla 11-ci, Xorvatiya isə 946 xalla 19-cu yerdədir. Bolqarıstan və Norveçin də mövqeyi dəyişməyib. 66-67-ci pillələri paylaşırlar. Yalnız Malta bir pillə irəliləyərək 147-ci yerə yüksəlib.
604 xala sahib Türkiyə yığması 49-cudur.
Qeyd edək ki, siyahıya 1725 xalla Almaniya millisi başçılıq edir. Argentina ikinci, Kolumbiya yığması isə üçüncüdür.
