Futbol üzrə Avropa Liqasının qalibi müəyyənləşib. Sportnet.az-ın məlumatına görə, İspaniyanın "Sevilya" klubu finalda Portuqaliya "Benfika"sını penaltilər seriyasında yenərək, tarixində 3-cü dəfə bu kuboka sahib olub.
İtaliyanın Turin şəhərindəki "Yuventus Arena"da keçirilmiş qarşılaşmanın əsas və əlavə vaxtlarında hesab açılmayıb. Bu müddətdə "Benfika" daha böyük üstünlüyə malik olub. Penaltilər seriyasında isə "Sevilya"nın portuqaliyalı qapıçısı Beto həmyerlilərinə qarşı inamla çıxış edib. O, Lissabon komandasının futbolçuları Kardozo ilə Rodriqonun zərbəsini dəf etməyi bacarıb. İspaniya təmsilçisi isə yerinə yetirdiyi bütün penaltilərdən yararlanmağı bacarıb.
Beləliklə, 4:2 hesabı ilə qalib gələn "Sevilya" Avropa Liqasının qalibi olub. "Benfika" isə ardıcıl 8-ci avrokubok finalını məğlubiyyətlə başa vurub.
23:45. "Sevilya" (İspaniya) - "Benfika" (Portuqaliya) - 4:2 (Penaltilər)
"Sevilya": 13. Beto, 2. Fazio, 6. Daniel Karriço, 16. Moreno, 21. Parexa, 23. Koke, 40. Mbia, 11. Rakitiç, 20. Vitolo (Fiqueyras, 110), 9. Bakka, 19. Reyes (Marin, 78 - Qameyro, 104)
Ehtiyat oyunçular: 1. Varas, 3. Fernando Navarro, 12. İborra, 15. Troxovski
Rodrigo
Ehtiyat oyunçular: 1. Artur, 3. Vitoria, 33. Jardel, 10. Curiçiç, 90
Əvvəlki oyunlar
UEFA bayrağı altındakı yarışlarda tərəflər cəmi 1 dəfə üz-üzə gəliblər.
Bu, uzaq 1957/58 mövsümünə təsadüf edib. Çempionlar Kubokunun təsnifat mərhələsində
sevinən tərəf "Sevilya” olub. Doğma divarlar arasında 3:1 hesablı qələbəni
bayram edən ispanlar səfərdən qolsuz bərabərliklə dönməyi bacarıblar. Ümumilikdə "Sevilya” Portuqaliya təmsilçilərinə qarşı, bu mövsüm baş
tutan 4 qarşılaşma ilə birlikdə, 16 görüş keçirib və meydanı 8 qələbə, 3 heç-heçə, 5 məğlubiyyətlə tərk edib.
"Benfika” isə hələ ki, İspaniya təmsilçiləri ilə görüşlərinin çoxundan məğlub ayrılır. Ümumilikdə, bugünkü rəqibinin həmvətənləri ilə 22 dəfə qarşılaşan
Portuqaliya nəhəngi cəmi 5 qələbəyə sevinib. Digər 17 görüşün 10-da məğlub olan
"Benfika” 7 heç-heçə edib. Portəgizlərin daha bir xoşagəlməz statistik
göstəricisi son 14 görüşlə bağlıdır. Bu oyunlarda "Benfika” qələbəyə həsrət qalıb. Klubun son qələbəsi 1982-ci ilə təsadüf
edir. Sentyabrın 29-da Sevilyanın digər təmsilçisi – "Betis”i məğlub edən portəgizlər bundan sonra "buğalar”ı "yıxa bilmirlər”.
Əgər "Sevilya” tarixində ilk dəfə Turində meydana çıxacaqsa,
"Benfika” belə bir təcrübəyə malikdir. Maraqlıdır ki, "qartallar” "Yuventus”la
hər üç stadionunda qarşılaşmağa macal tapıblar. 1967/68 mövsümündə "Stadio
Olimpiko”da baş tutan Çempionlar Kubokunun yarımfinal görüşündə portəgizlər 1:0
hesabı ilə qalib gəliblər, 1992/93 mövsümündə UEFA Kubokunun ¼ final mərhələsi
çərçivəsində "Stadio Delle Alpi”də 0:3 yeniliblər və cari mövsümdə turnirin
yarımfinal mərhələsində "Yuventus Stadium”da qolsuz bərabərliyə qalaraq, "Qoca
Sinyora”nı iki oyunun nəticəsinə görə finaldan məhrum ediblər.
"Benfika”nın final qarşılaşmaları
2012/13, Avropa Liqası. "Benfika” – "Çelsi” 1:2
1989/90, Çempionlar Kuboku. "Benfika” – "Milan” 0:1
1987/88, Çempionlar Kuboku. "Benfika” – PSV (penaltilərlə) 5:6
1982/83, UEFA Kuboku (iki oyunun nəticəsinə görə) "Benfika” – "Anderlext” 1:2
1967/68, Çempionlar Kuboku (əlavə vaxtda) "Benfika” – "Mançester Yunayted” 1:4
1964/65, Çempionlar Kuboku. "Benfika” – "İnternatsionale” 0:1
1962/63, Çempionlar Kuboku. "Benfika” – "Milan” 1:2
1961/62, Çempionlar Kuboku. "Benfika” – "Real” 5:3
1960/61. Çempionlar Kuboku. "Benfika” – "Barselona” 3:2.
"Sevilya”nın final qarşılaşmaları
2006/07, UEFA Kuboku. "Sevilya” – "Espanyol” 2:2 (penaltilərlə 3:1)
2005/06, UEFA Kuboku. "Sevilya” – "Midlsbro” 4:0.
Turin finalları
1992/93, UEFA Kubokunin təkrar final qarşılaşması. "Yuventus” – "Borussiya” 3:0 (ümumi nəticə 6:1)
1991/92, UEFA Kubokunun ilk final qarşılaşması. "Torino” – "Ayaks” 2:2 (ümumi nəticə 2:2. "Ayaks” səfər qolları hesabına Kubokun sahibi olub)
1989/90, UEFA Kuboku. "Yuventus” – "Fiorentina” 3:1 (Ümumi nəticə 3:1)
1984, UEFA Superkuboku. "Yuventus” – "Liverpul” 2:0
1976/77, UEFA Kubokunun ilk final qarşılaşması. "Yuventus” – "Atletik” 1:0 (Ümumi nəticə 2:2. Səfər qolu hesabına "Yuventus” Kubokun sahibi olub).
