Avro-2016-nın seçmə mərhələsində Azərbaycan milli komandasının Norveç yığması ilə keçirəcəyi səfər oyununun stadionu müəyyənləşib. Sportnet.az-ın məlumatına görə, qarşılaşma Osloda "Ullevaal" stadionunda keçiriləcək.
İyunun 12-də keçiriləcək matç Bakı vaxtilə saat 23:45-də (yerli vaxtla saat 20:45) başlayacaq.
Qeyd edək ki, 1927-ci ildən tikilən "Ullevol" stadionu 27572 tamaşaçı tutumuna malikdir. Norveç yığması H qrununda İtaliya (0:2) və Bolqarıstanla (2:1) da əvvəlki ev oyunlarını bu arenada keçirib.
