Norveçli Maqnus Karlsen və ABŞ təmsilçisi Fabiano Karuana arasında dünya çempionluğu uğrunda İngiltərənin paytaxtı Londonda keçirilən ikinci partiya da heç-heçə ilə yekunlaşıb.
Sportnet.az xəbər verir ki, 49-cu gedişdə tərəflər "sülh"ə razılaşıblar - 0,5:0,5. İlk partiyada da heç-heçə qeydə alındığından, hazırda ümumi hesab bərabərdir - 1:1.
Karlsen və Karuana ümumilikdə 12 partiya klassik şahmat oynayacaqlar. Növbəti qarşılaşma noyabrın 12-də olacaq.
