Martın 10-dan Islandiyanın paytaxtı Reykyavik şəhərində "Reykyavik Open 2015" beynəlxalq şahmat turniri start götürəcək. Sportnet.az-ın məlumatına görə, turnirdə Azərbaycanı beynəlxalq qrossmeysterlər Şəhriyar Məmmədyarov və Zeynəb Məmmədyarova təmsil edəcək.
Ümumilikdə yarışda 30-dan artıq ölkədən 281 (43 qrossmeyster) zəka sahibi iştirak edəcək. Yarış İsveçrə sistemi ilə 10 turdan ibarət keçiriləcək.
Qeyd edək ki, turnir martın 18-dək davam edəcək.
