Azərbaycan şahmatçısı Şəhriyar Məmmədyarov "Meltwater Champions Chess Tour" onlayn seriyasının VIII mərhələsi olan “Aimchess Rapid” turnirində mübarizəyə başlayıb.
Sportnet.az xəbər verir ki, 37 yaşlı qrossmeyster ilk görüşündə yarışın təşkilatçısı Maqnus Karlsenlə qarşılaşıb. Ağ fiqurlarla oynayan Məmmədyarov 45-ci gedişdə rəqibini təslim olmağa məcbur edib.
Bu gün ümumilikdə 4 oyun keçirəcək Məmmədyarovun növbəti rəqibləri polşalı Yan Kşiştof-Duda, niderlandlı Aniş Qiri və kanadalı Erik Hansen olacaq.
Qeyd edək ki, ümumi mükafat fondu 150 min dollar olan turnirin qrup oyunlarından sonra ilk səkkiz yeri tutacaq şahmatçılar pley-offa vəsiqə qazanacaqlar.
