İyunun 29-da Azərbaycan Xalq Cümhuriyyətinin və Milli Ordunun yaradılmasının 100 illik yubileyi münasibətilə üzgüçülük estafeti keçiriləcək.
Sportnet.az-ın məlumatına görə, bu barədə "Report”a Bakı şəhər Gənclər və İdman Baş İdarəsinin rəisi Raqif Abbasov məlumat verib. O, bildirib ki, Böyük Zirə adasında start götürəcək yarış Bakı bulvarında yerləşən Saat qülləsinədək davam edəcək. Əsasən, güc strukturlarından olan iştirakçılar 9800 metr məsafəni qət edəcəklər.
