Qadın voleybolçulardan ibarət Azərbaycan millisi bu gün Avropa Liqasında növbəti görüşünü keçirib. Sportnet.az-ın məlumatına görə, B qrupunda ikinci turun qarşılaşmasında Faiq Qarayevin baş məşqçi olduğu komandanın rəqibi Monteneqro olub.
Avstriyalı Mixael Yanoş və bolqarıstanlı Çavdar Marevin idarə etdikləri qarşılaşma Azərbaycan yığmasının qələbəsi ilə yekunlaşıb - 3:0. İlk oyunda Fransa üzərində də eyni hesablı qələbə əldə olunmuşdu. Qrupdakı digər oyunda İspaniya Fransaya qalib gəlib - 3:2. Bununla da millimiz 2 turdan sonra 6 xalla vahid liderə çevrilib. Monteneqro 3 xalla 2-ci, İspaniya 2 xalla 3-cü, Fransa 1 xalla 4-cü pillədədir. İlk dövrədə son turun oyunları iyunun 5-də keçiriləcək. Azərbaycanla İspaniya, Monteneqro ilə Fransa üz-üzə gələcək.
Avropa Liqası
Qrup oyunu, II tur
22:00. Azərbaycan - Monteneqro - 3:0 (25:21, 25:23, 25:22)
Bar. Topolika İdman kompleksi.
