İspaniya çempionatının 14-cü turunun Kataloniya derbisində İspaniyanın "Barselona" klubunun futbolçusu Lionel Messi "Espanyol"un qapısından 3 top keçirib. Sportnet.az-ın məlumatına görə, argentinalı hücumçu komandasının 5:1 hesabı ilə qalib gəldiyi qarşılaşmada "het-trik" edib.
O, 45, 50 və 81-ci dəqiqələrdə fərqlənib. "Barsa"nın digər qolları 53-cü dəqiqədə Xerard Pike və 77-ci dəqiqədə Pedro Rodriges vurub. "Espanyol"un yeganə dəqiq zərbəsi isə 13-cü dəqiqədə Serxio Qarsiyanın ayağına yazılıb.
Qeyd edək ki, bu qələbə sayəsində xallarını 34-ə çatdıran "Barselona" 2-ci pilləyə yüksəlib. "Real Madrid" 36 xalla 1-ci, "Atletiko" 32 xalla 3-cüdür.
