Azərbaycanın 17 yaşadək futbolçulardan ibarət yığmasının baş məşqçisi Təbriz Həsənov Rusiya ilə yoldaşlıq görüşünü dəyərləndirib. Sportnet.az-ın məlumatına görə, gənc mütəxəssis affa.az-a müsahibəsində 1:0 hesablı qələbə qazandıqları oyundan razılıq ifadə edib.
Onun fikrincə, komandası 0:5 hesablı məğlubiyyətlə nəticələnən ilk qarşılaşmanın təsadüfi olduğunu sübuta yetirib: "Birinci oyunla budəfəki qarşılaşmanı müqayisə etsək, fərqin böyük olduğunu görərik. Nizam-intizam qaydasında idi, futbolçular əzmkarlıq nümayiş etdirdilər, qələbə istəyi daha çox idi. Səhvlərimizi düzəltdik və birinci oyunda qeydə alınan böyükhesablı qələbənin təsadüfi olduğunu göstərdik. İlk qarşılaşmada bəsit səhvlərə yol verdik və nəticədə böyük hesabla yenildik. Futbolçular bundan nəticə çıxardılar və şanslarını dəyərləndirdilər”.
